احباط
أضيف بواسطة كارم البستانى في قسم عاماحباط يعنى خنقة اكتئاب قرف مش طايق نفسك نفسك تعمل حاجة بس اساسا حاسس من اولها انها هتفشل عادى مين فينا مش محبط كل لما اكلم واحد بفضفض وياه يقولى ماكلنا كده هى ايه الحكاية بالظبط بقى فايروس وانتشر فى الجو ولا ايه الحوار شاب زى الفل بياخد مرتب حلو ومش ملتزم بشىء يعنى المفروض الحياة تبقى حلوة وبالعكس كل يوم بحس انى بنتحر بقتل نفسى المشكلة انى مش العيب فيا انا بس فى كتير مكتئبين برضو طيب ايه العمل نفسى اصيف اغير جو مش عارف الشغل بقى الولا مهم ولا مهم ولا نيلة كل يوم ورقة متكررة من قبلها شوية تكت وبعا هتقولهم اعملى tracert ويطلع المشكلة منه وتشوف اللوج وخلاص اوففففففففففف كفاية بقى انا مقتنع باغنية طول مبنتنفس فى جديد ل MtM بس الجديد للاسف بيخنق اكتر سلامات يادنيا
Tell a Friend
8 أغسطس, 2007 في الساعة 3:14 ص
احبااااااااااط لنا كلنا مش عارف الشباب حلها اضرب فى البلد
رينا معاك يا كارم
عاااااااااا
9 أغسطس, 2007 في الساعة 10:39 م
والله ياكيمو مش عارف ايه الظروف بس فعلا شكله فيروس فى الجو ربنا يعينا ايه عااااا دى يواد
9 أغسطس, 2007 في الساعة 10:53 م
مفيش اكتر من الاحباط فى بلدنا ملكش حق فى اى حاجة غير انك تحلم
ويوم ما تيجى تنفز الحلم تلاقى الدنيا اتقلبت على دماغك كل حاجة بتفشل ومفيش نجاحات خالص الحل انك تروح على القهوة وبعد ما تروح تلاقى نفسك مخنوق برده ومش بتعمل اى حاجة مفيدة فى حياتك الحل انك تموت طبعا حرام تنتحر هتموت كافر طيب تنتحر ليه وانت اصلا ميت
حتى النت اللى واحد بيشغل نفسه بيه سواء شغل او عامل موقع بتقضيها ينزلك قرار ملوش اى لزمة يقولك هنخفض السعر وبعدين يقولك ترافيك 2 جيجا وهو اساسا المتوسط بتاع 256 فى الشهر يعدى ال 60 جيجا ترافيك
وطبعا غير المزيد والمزيد ولا حول ولا قوة الا بالله فيك يا مصر
17 أغسطس, 2007 في الساعة 2:27 م
للأسف الحق الوحيد اللى مش ممكن اى حد يعارضك فيه اليومين دول انك تكون محبط
وطبعا مش بمزاجك انك تدخل فى المود ده .. للأسف قلة من الشباب اليومين دول هما اللى واخدين حقوقهم كلها والباقى زينه .. عارفين ليه ؟
هقولكم انا ليه .. دلوقتى فى الوقت اللى بنعيش فيه الماده هى كل شىء .. يعنى علشان احب واحده ومتسيبنيش لازم يكون جيبى مليان فلوس وراكب عربيه شيك وحاجات كتييييير .. علشان اشتغل شغلانه كويسه لازم يكون ليا واسطه حد معرفو او واحد برده ربنا مديله ماهى الوظيفه حتى مركونه للعالم دى .. علشان امشى فى الشارع ومحدش يبصلى وحش لازم يبقى فى ماده .. كل حاجه دلوقتى مرتبطه بالماده
الشاب اللى لسه مخلص جامعه ان ربنا قدرة وخلصها فى ظل ظروف العيشه والتعليم اللى بقى فاشل بكل المقاييش مش لاقى شغل . بيحب بنت زى القمر وهى كمان بتحبه ونفسها انه يتقدم خطوه واحده علشان تقدر تقف جنبه .. ييجى سوبر مان ابو عربيه جيب شيروكى واللى ابوه رجل اعمال اد الدنيا يخطف الحلم ويطير .. والنتيجه زى مانتوا عارفين
ي}سفنى كل الاسف انى اقول الكلام ده بس هو ده الواقع
يارب ارحمنا برحمتك
ومنقدرش نقول غير حسبى الله ونعم الوكيل ونعيش فى حالة الاحباط اللى سيطرت على كل الناس اليومين دول
12 سبتمبر, 2007 في الساعة 6:16 م
والله ياكارم انت حطيت ايدك على الجرح ..
العيب مش فينا يعنى ..
والمشكلة ان الكلام فيه مش بيهديه ..
دا بيورمة :@
المشكلة مش فى الاحباط ..
الاحباط موجود ..
المشكلة اننا ساعات بنمشي بخطوات ثابته لحد الاحباط ..
طيب المفروض نعمل ايه يعنى ..
نغير الخطوات الثابته دى ..
ونخليها خطوات متعرجة .. او نتنطط .. بس بخطوات متباعده متفارقة ..
عشان نغير رتابة حياتنا ..
الرتابه = الملل..
والملل اول طريق الاحباط ..
عارف اينشتاين قال كلمة جامدة اوي
ان لم يوافق الواقع النظرية .. فغير الواقع ..
ما تغيرش نظريتك ..
غير اللى حواليك ..
حيروح الملل ..
فحيروح الاحباط ..
خلى فى اكشن زي ما بيقولوا يعنى ..
المشكلة انى عارف الكلام دا والناس اكيد عارفه الكلام دا ..
بس انا محبط وانت محبط وكلنا محبطين ..
بس هو اكيد فايرس
>> الاخ بيتلكك على اى حاجة ..
الامام الشافعي زمان قال
نعيب زماننا والعيب فينا .. وما لزماننا عيب سوانا ..
ونهجو ذا الزمن بغير ذنب .. ولو نطق الزمان لنا هجانا ..
وليس الذئب يأكل لحم ذئب .. ونأكل لحم بعضنا بعضاً عيانا ..
شكراً ياكارم لاتاحتك الفرصة للكلام الحقيقة
شكراً ليك ..
15 أكتوبر, 2007 في الساعة 7:58 م
تقريبا الفيروس فعلا موجود عند كل الناس ربنا يستر بانتظظار معرفة اراء المحبطين الاخرين