المتحولين

أضيف بواسطة كارم البستانى في قسم عام

ايها المتحول كفاك شغل هبل بقى انت مصرى يبقى ليه بتتحول وعشان ايه حرام عليكو بجدا كل شوية تلاقى موضوع كل الناس الى فيه مصرين وردودهم اخوى وابوى ووالله ماقصرت ومش عارف ايه انت شايف التحول ده حلو يبنى انت وهو ولا ايه على فكرة عينة المتحولين دى الشباب الجديدة والشباب الى مفكرة الخليج بينقط دهب وجاى يتسلى علي الخليجين ويقلبهم اه انا مصرى بس هقول كده المتحولين هما العينة دى الى بيدمروا اسمنا وسمعتنا وهيبتنا بجد اتخنقت امبارح وانا بتصفح موضوع فى موقع تقنى كل انلاس مصرية ومتحولة ربنا يهديكم يارب وترجعو لعقلكم


Tell a Friend

28 مايو, 2008




9 عدد التعليقات على “المتحولين”

  1. AyMaN Fekri يعلق:
    28 مايو, 2008 في الساعة 11:42 ص

    أشطه يا عم كارم يالي مش متحول انا معاك فغي النقطه دي وبجد هراعيها بعد كده يمكن ردودي شويه كانت بتقلب سعودي وده بحكم شغلي في شركه سعودي وكل موظفينها سعوديين واتعودت على الطريقه دي بس هخلي بالي بعد كده كويس ان حد فتح الموضوع ده هدون عليه قريب
    انا اساسا برد وانا نايم الشغل زي ما انت عارف بيخلي الواحد مش قادر يكون ادمي ياكل ويشرب وينام

  2. Ahmed Tohamy يعلق:
    29 مايو, 2008 في الساعة 2:19 ص

    كلامك سليم يا كارم .. انا معدي اقول السلام عليكم بس .. ونشيد الوطن .. سيد انقطم .. ومصر هي امي ونيلها جوه دمي .. كمل بقي

    تحيا مصر يا عم الحاج

  3. كارم البستانى يعلق:
    29 مايو, 2008 في الساعة 8:20 ص

    ايمون وتهامى منورين يارجالة ماهوا حنا بالذات لازم ناخد بالنا من كده ونكلم زى محنا ونحافظ عل تراثنا كويس انكوا معايا لانى فعلا كانت بتجيلى حالات غريبة من الصدمات بسبب الاخوة دول

  4. M7MoD يعلق:
    2 يونيو, 2008 في الساعة 11:33 م

    هلا كرام كيفك وكيف احوالك ان شاء الله بخير ؟ :P

    :D
    متزعلش بهزر معاك
    المشكلة انها غصب عننا يعنى انا مثلا برد فموضوع بلاقى نفسى برد مصرى على خليجى على عامية على بتنجان مش ثابتة فحاجة واحدة وفعلا على راى ايمن من كتر ما بنتعامل مع خليج لسانا بيتقلب بس مش تقلق برضة مصريين والنيل بييجرى فدمنا :D

    وبعد كده ربنا يسهل هكتب مصرى وبس
    وسمعنى النشيد الوطنى ;)

  5. M7MoD يعلق:
    2 يونيو, 2008 في الساعة 11:35 م

    احمد تهامى
    شكرا ياريس على التنفيضة فموضع مجتمع أوبنتو العربى :D
    ياعم طيب كنت عبرنى بشكرا وهيتم الرد عليك وبعد كده نفضلى :D

  6. كارم البستانى يعلق:
    3 يونيو, 2008 في الساعة 12:07 ص

    حودة هى فعلا بتيجى تلقائى بس اهو قلت اهى تذكير لينا بس

    منور ياحوبى :D

  7. مصري يعلق:
    16 يونيو, 2008 في الساعة 8:58 ص

    اية المشكلة لما اتكلم مع الخليجيين خليجي ؟
    من الذكاء انك تتكلم مع الناس باللغة الى يفهموها .
    مثلا انت متقدرش تروح امريكيا وتعمل فيها وطني وتتكلم مصري هههههه .
    كتير من الخليجين مش بيعرفوا مصري او لغه عامية اقصد , لكن لو كلمتة لغه عربية هايفهم عادى ,
    وعلى فكرة كتير من الخليجين لمكا يجوا مصر بيحاولوا يتكلموا مصري عادى ومحدش قال او عمل عليها قصة يعني ,

    المشكلة ان لو اتنين مصريين هما الى بيتكلموا ويتكلموا مع بعض خليجيى . لان ده هيكون استهبال بجد .

    شكرا لعى طرحك للموضوع
    انا شغال فى السعودية وبتكلم مع العملاء سعودى 100% لان ليه فترة هنا وبيستغربوا انى فى الاخر مصري ,
    لكن بين الموظفين المصريين بتكلم مصري طبعا , وفى البيت مع اصحابي المصريين بتكلم مصري و فى القهوة بتكلم مصري ,

  8. كارم البستانى يعلق:
    19 يونيو, 2008 في الساعة 1:48 ص

    اهلا وسهلا ومين قالك ان لغتك مش مفهومة لغتنا اكتر لغة مفهومة عند الخليج .. بالنسبة للموضع فعلا على المتحولين وهما مصرين اساسا لان ده خنفنى جدا

  9. Amjad يعلق:
    24 يوليو, 2008 في الساعة 5:15 م

    ازيك ياكارم عامل ايه :)

    شوف انا بقلك حاجه , انا سعودي ومن جده , بس لما اتكلم مع الدكاتره المصاريه بتوعي لساني بيقلب معاهم مصري , واشوفها عادي << احس اني خاش غلط بينكم :)

    وكلنا اهل وحبايب بالاول والاخير
    تحياتي استاذ كارم

أضف تعليق